[i563] DE LA VILLE DE PARIS. 203

CCCXX. — [Mandemens aux Conseillers et Quarteniers

POUR LE CONVOY DE MONS^r DE GUISE.] 18 mars 1563. (Z 6826, fol. 64 v°.)

Led. jour de jeudy, xvm^e jour de Mars mil v^clxii, Messieurs les Prevost des Marchans et Eschevins envoyèrent mandemens à mess™ les xxim Conseillers pour eulx trouver demain en l'Hostel de lad. Ville, à cheval, à mydi, vestuz de leurs bons habitz noirs, pour les acompaigner, aller recevoir le corps dud. feu s^r de Guise à la porte Sainct Jacques et à vigille de mors en l'eglise de Paris, et le landemain à son service en lad. eglise à sept heures du matin.

Pareil mandement aux seize Quarteniers et quatre notables bourgeois de leurs quartiers, et de faire savoir à leurs cappitaines de leurs quartiers d'envoyer à lad. heure, derriere les Chartreux, tous leurs cappitaines, portenseignes, et de chascune Dixaine dix harquebusiers et dix piquiers pour conduire et aler au devant led. corps dans l'ordre qui ensuit cy après.

CCCXX1. ---- Le CORPS DE FEU MONS^r DE GUISE AUX CHARTREUX.

19 mars 1563. (Fol. 176 r°.)

Le lendemain, vendredy xix^e jour dud. mois et an, Mess" les Prevost des Marchans et Eschevins de la ville de Paris, ayans esté advertiz que le corps dud. deffunct seigneur estoict arive dès le jour de devant au couvent des Chartreux, hors lad. Ville, et devoict passer au travers d'icelle pour delà estre conduict en sa principaulté de Jainville, où estoict eslevé sa sepulture, se deslibererent de le recepvoir et convoyer comme il avoict merité ; car oultre les lettres que ilz avoient receues de la Royne à ceste fin, encores ne voulloyent ilz estre veuz ingratz envers luy mort, duquel vivant ilz se sentoyent avoir, peu auparavant, reçu tel secours et si à propos que, lad. Ville estant assieigée, il y seroict venu avecq monsieur le Connestable en grande dilligence, et amené les plus grans forces du Roy, avecq lesquelles il se seroict si va il— lenment et vertueusement porté que'¹' les desseins et effortz des ennemis n'auroient sorty aucun effect.

Ceste resolution par eux prise avecq le Conseil de lad. Ville, ilz y procédèrent en ceste maniere :

Les Crieurs de corps et de vins de la ville de Paris

CRIERENT LED. S^r.

Premierement, dès le matin dud. jour, le vendredy, xix^c jour de Mars, les Crieurs ordinaires et jurez de lad. Ville dénoncèrent à cricq publicq et

aux sons de leurs clochettes le trespas dud. defuncl seigneur dc Guise devant l'Hostel de lad. Ville, en la Grant Chambre de Parlement'²', la Court séant, et en la presence de Messieurs à la Table de Marbre de la grant salle du Palais et autres lieux acoustu-mez en lad. Ville, en ces termes :

Cry dud. s^r.

it Priez Dieu pour l'ame de très hault, très puissant, très magnanime, très illustre et belliqueux prince, François de Lorraine, duc de Guise, Grand Maistre et grant chambellan de France, Lieutenant general pour le Roy en ses royaulmes ct pays, et Gouverneur pour Sa Majesté es pays de Champaigne et Brye, lequel insidieusement blessé, decedda le xxim⁶ jour de Febvrier dernier passé au camp devant Orleans, faisant service à Dieu, au Roy et à sa courronné Priez Dieu qu'il en ayt l'ame, d

Après le disner, les cappitaines et gens de pied des Dixaines de lad. Ville se trouverent et assemblèrent, comme il leur avoict esté commandé, devant la porte dud. couvent des Chartreux, pour dud. lieu amener et conduire led. corps jusques en la porte Sainct Jacques, par laquelle il devoict entrer.

Ung peu au dessoubz de lad. porte, dedans le couvent des Jacoppins, estoient arrivées les esglises,

O Le Registre donne : porté par.

<²> Le Parlement permit aux Crieurs de corps de la Ville d'annoncer les convoi et service du duc de Guise au parquet des huissiers, «les huys duquel sur la grande salle» étant ouverts; la teneur de leur cri est reproduite dans le registre du Conseil avec quelques variantes, notamment l'addition des mots nobles et dévotes personnes ct la suppression dos mots insidieusement blessé. (Archives nationales, Parlement de Paris, X¹* i6o4, fol. 618 r°.) Un cri plus complet se trouve dans la relation des obsèques du duc de Guise imprimée par Cimber et Danjou, Archives curieuses de l'histoire de France, t. V, p. 214.

26.